"CONTEXTUALIZACIÓN" XEOGRÁFICA DA ASOCIACIÓN
Para falar desta asociación, primeiramente cabe contextualizar o lugar, data e circunstancias na que se creou.
A Asociación Cultural Lucerna opera en Cerceda (http://www.cerceda.es/), un pequeno pobo situado a aproximadamente 25km de A Coruña. Este pobo, que á maioría de vós non vos sonará, é "famoso" por varios acontecementos.
A primeira vez que o nome de Cerceda apareceu en case tódolos xornais de España foi no ano 76, pola inminente expropiación que ían sufrir os veciños das Encrobas (unha parroquia de Cerceda) para poder extraer o lignito atopado baixo este emplazamento. Esta noticia foi mal recibida polos veciños, que no 77 organizaron a famosa Revolta das Encrobas, sen precedentes na nosa historia e moi rechamante tendo en conta o contexto político (rematabamos de saír dunha ditadura). Se vos interesa este tema, consultade en: http://www.vieiros.com/noescaner/noescaner.php?id=56353&Ed=1
Despois deste acontecemento, o nome de Cerceda soou en torno á construcción dunha central térmica en Meirama, ó emplazamento de SOGAMA no noso concello e á construcción do akuapark.
Calquer destes tres últimos feitos suscitou moitas e prolongadas polémicas, sobre todo a instalación de SOGAMA, xa que, aínda que como di o alcalde Xosé García Liñares xera traballo, tamén nos contamina, a nós e ós nosos veciños, feito que non parece importar moito á poboación, xa que a maioría está empregada nesta empresa, aínda que os seus nocivos efectos xa son vixentes. Un exemplo podería ser o acontecido nun río de Cerceda, antes rico en pesca, que fai dous anos apareceu totalmente contaminado, matando todo ser vivo que nel e nas súas beiras habitaba.
Fóra xa de aspectos medioambientais, dende os 80 no concello deuse un fenómeno moi singular nun pobo tan pequeno: a proliferación de grupos de rock.
Primeiramente estaban constituídos por grupos de amigos que se reunían para tocar, pero pouco a pouco fóronse "profesionalizando". Entre algúns deles poderíase destacar "Heredeiros do harado", xa desaparecido, ou "Mördor", máis tarde convertido en Zënzar (http://zënzar.info), e bastante coñecido dentro do entorno.
Máis adiante chegarían outros proxectos locais, como "Sensacha", "Sangrilá", "Osiris", o actualmente retomado e moi bo "Machina" ou "Presencia Zero".
Dentro desta emerxente onda musical que se estaba vivindo, unha serie de persoas decidiu crear unha asociación cultural dende a cal proxectarse cara o exterior e achegar máis cultura a un concello no que esta non semellaba abondante, pero esta é outra "historia" que vos contarei máis adiante...
Chuchi dijo
De primeiro voulle puntualizar a esta rapaciña (según ela aínda levaba cueiros no primeiro festival, por eso non recorda claramente) que o grupo ó que ela lles chama
"Heredeiros do harado" máis ben se chamaban "Desertores do Arado", grupo que aínda que non durou moitos anos, tivo moito éxito mentras durou.
3 Marzo 2007 | 02:13 PM