UN POUCO DE HISTORIA
A Asociación Cultural Lucerna naceu alá polo ano 89 da man, entre outros, de Bocixa, Toñín, Chema, Xavier "o astrónomo" e, máis tarde, Mila. Todos viven en Cerceda e, como dixo Bocixa "Notábamos en falta unha asociación deste tipo, que nos ofrecera algún tipo de posibilidade a única opción cultural existente no Concello: xogar ó fútbol".
Como xa comentei na contextualización, Ceceda é un pobo no que a música sempre estivo presente entre a xuventude "Cecáis como vía de escape a chegar á casa e que teus pais che estiveran dicindo todo o día que estudaras, que cortaras as ghedellas, que qué ían pensar os veciños...Entón collía a miña guitarra e ía tocar cos meus compañeiros, de risas", comentaba nunha ocasión Pardeiro, un dos fundadores do que moito despois sería Zënzar.
Cecáis foi por este "illamento cultural" polo que os xoves sempre buscaron na música unha vía de escape. Bueno, todo este "rollo" ven a que a asociación creouse, en principio, como pretexto para organizar un festival rock en Cerceda. Grazas á súa creación, estes emprendedores xoves conseguiron subvencións para poder organizalo, cousa que non conseguirían ser esta empresa, xa que no Concello nunca foi ben vista a xente que pensa distinto.
Así foi como en 1989 se organizou o I FESTIVAL ROCK DE CERCEDA, organizado por Lucerna. A experiencia foi tan boa que os seus fundadores decidiron seguilo facendo tódolos anos, ademais de abrirse a novos proxectos. Así chegaron os roteiros de Encrobas ó Monte Xalo,
vista do Monte Xalo
a ruta dos muíños de Queixas e o das furnas a Rodís.
Ademais disto, tamén se fixeron choqueiradas, magostos, San Xoáns e se colaborou con organizacións de festas locais proporcionando contactos ou organizando xornadas de Contacontos e de xogos infantís.
Aínda así, o máis salientable en organización sempre foi o festival que se veu facendo cada verán ata o ano 2002, cando, despois de rematar coas arcas da asociación, decidiuse pospoñelo por un tempo ata contar con forzas e sobre todo con axudas suficientes para poder facelo, falando en termos de diñeiro.
E é que o Concello, según conta Bocixa "só nos daba 100.000ptas para cada festival, e iso que eran dous días e traíamos a grupos coñecidos (Extremoduro, Vantroi...). Despois, deixounos de dar era subvención porque o ano que Zënzar presentou o CD "Todo vai ben" cantou a canción "Cheira Ben" (CHEIRA BEN, CHEIRA BEN, A MERDA QUE VEN NO TREN. CHEIRA MAL, CHEIRA MAL, A POLÍTICA LOCAL, di o refrán). O alcalde saíu dicindo que non nos ía dar máis cartos para que falaramos mal del, así que comezamos a contar só coa subvención da Xunta e a voa vontade de moitos grupos, que por ser coñecidos nosos ou por solidarizarse case non ou non cobraban".
Como o tema dos festivais dá moito do que falar, intentarei recadar información e fotos para poder falarvos máis e mellor de cada un deles.
