IMOS DE ESTRENO!!!

Para nós é un verdadeiro pracer convidarvos ó estreo do documental AS ENCROBAS: A CEO ABERTO, o día 12 de maio ás 19:30 horas no auditorio de Cerceda.

PARA ACUDIR É NECESARIO POÑERSE EN CONTACTO CON BOCIXA OU COÑECIDOS PARA RESERVAR SITIO.

Este documental, cuxa idea orixinal recae sobre Bocixa , compoñente da nosa asociación, vocalista de Zënzar e ex veciño das Encrobas, mostra a cara máis dura do sucedido: o que está a acontecer na vida deses centos de veciños que tiveron que abandonar- algúns á forza- as ´suas vivendas, 33 anos despois.

A través dos testimonios de Manolo do Pumariño ou do Costiñán, entre outros- cito estes dous por ser considerados os encabezantes da revolta- cóntasenos cómo esta xente viviu as expropiacións, as manifestacións e a revelión en época de represión.

O interesante é que ademais diso tamén deixa ver cómo esta xente vive agora, ónde e con quén...Disto pódese sacar un factor común: todos botan de menos a súa casa nas Encrobas e voltarían alí se poidesen retroceder no tempo.

Gustaríame rematar cunha cita sacada dun dos testimonios que di así:

A xente marchou para Carral,
pero aínda di "Eu son de Encrobas".

A xente marchou para a Laracha,
pero aínda segue dicindo "Eu son de Encrobas".

A xente marchou para A Coruña,
pero di: "Eu son de Encrobas".

E que todos somos de Encrobas,
aínda que Encrobas xa non exista.

*Podedes ver o video promocional no post ¿QUE PASA NA LOUSA?

ANIMADEVOS A VIR!!!

servido por asociacion-cultural-lucerna 3 comentarios compártelo favorito