A MORTE POLA MORTE
Son unha máis desas que non logra entender tantas e tantas cousas que suceden no mundo hoxe por hoxe...
aínda me lembrei hoxe do que me sucedeu o domingo pasado nun lugar de Cospeito,Momán, creo que era.
Estaba tomando un café nun bar de por alí cando de repente se formou un alboroto considerable. que pasaba??? pois que acababan de cazar o lobo que lles andaba por alí. de repente saíron do bar unha pila de cazadores, cunha alegría..! entón mirei ó meu redor e vin unha cabeza de xabaril disecada...entre outras. vale, estaba nun bar de cazadores! quizais non era o sitio indicado para o meu "comentario oportuno". Saíron todos a tropel e puxéronse a sacar fotos co animal morto. realmente estaba indignada! non entendo por que a xente fai da caza unha actividade divertida. como se pode divertir alguén matando? non o entendo. é algo superior a min.
entendo que un animal así poida facer danos nunha pequena aldea como esta, pero o problema vén dende o momento en que é preciso repoboar os montes de animais, dende o momento en que o seu habitat natural é eliminado polos prados e os eucaliptos...
en fin, que non entendo a morte pola morte. moitos, parece que si.
